Sut beth yw byw gyda gorffennol bydda’n well gan y mwyafrif ei anghofio? Sut ydym ni’n breuddwydio, yn gwrthsefyll, ac yn creu mewn llefydd diwydiannol? A yw’n bosib ymestyn allan i’r gorffennol, i ddeunyddiau archifol, ac i genedlaethau eraill, a rheoli’r naratif ein hunain?

Bydd yr ŵyl undydd yma yn cyfuno artistiaid, gwneuthurwyr ffilm, archifwyr a phobl yn ffoi o wrthdaro, er mwyn edrych ar sut mae hanes a phrofiadau ardaloedd diwydiannol yn Nwyrain Wcráin a De Cymru yn plethu.

Mae’r gweithdy yma yn bosib drwy gefnogaeth y Cyngor Ymchwil Celf a Dynoliaeth mewn partneriaeth â Phrifysgol St Andrews, EVI ac Archifau Gwent.

Delwedd: Oleksandr Kuchynskyi

COFRESTRWCH YMA

Rhaglen y Digwyddiad
3:00 Croeso a Chyflwyniad Prif Neuadd
3:10 Gweithdy/cyflwyniad Prif Neuadd Beth ddigwyddodd i Gryff? Y diwydiant dychmygol yng Nglynebwy a Azovstal. Canolfan Hanes Trefol yn Lbib, Wcráin, Archifau Gweithfeydd Glyn Ebwy ac Archifau Gwent
4:00 Egwyl Caffi
4:10 Sgrinio Ffilm Prif Neuadd ‘Bywyd y Tu Hwnt i’r CV’ gan Freefilmers, Mariupol (dadleoli i Zaporizhzhia)
4:30 – Gweithdy ymarferol Caffi Cysylltu â’r archif ac ail-ffotograffiaeth cymunedol
5:30 Egwyl Caffi
6:00 Sgrinio Ffilm Prif Neuadd Dangosiad cyntaf yn y DU o ddogfen ‘EuroDonbas’ Yn cael ei gyflwyno a’i drafod gan y cynhyrchydd Olena Kirichek a’r cyfarwyddwr Kornyi Gricyuk
8:00 DIWEDD

Ar droad yr ugeinfed ganrif, roedd Glynebwy a Mariupol yn ddau o’r ardaloedd cynhyrchu dur mwyaf yn Ewrop. Bellach mae’r ddau wedi diflannu, o ganlyniad dad-ddiwydiannu gorfodol, yn achos Glynebwy, a rhyfel dileu imperialaeth newydd Rwsia, yn achos Mariupol.

Yn y gweithdy yma byddem yn archwilio’r ffyrdd mae etifeddiaeth ddiwydiannol yr ardaloedd yma, a rhanbarthau diwydiannol eraill yn y DU a’r Wcráin, wedi’i phlethu a sut maent yn siarad â’i gilydd trwy’r archif. Byddem yn tynnu dogfennaeth archifol o’r gwaith dur at ei gilydd, gan gynnwys cofnodion o’r diwedd a phrosiectau iwtopaidd ar gyfer y dyfodol ôl-ddiwydiannol (e.e. Gŵyl Gerddi Glynebwy), gyda chelf gyfoes o Gymru a’r Wcráin sydd yn ymateb i’r cyflwr ôl-ddiwydiannol mewn sawl ffordd, o alar i hiwmor a gwrthwynebiad.

Bydd y gweithdy yn gorffen gyda dangosiad cyntaf yn y DU o EURODONBAS, ffilm ddogfen yn archwilio’r cysylltiadau hanesyddol rhwng cymunedau diwydiannol Ewrop a Dwyrain Wcráin, a’r cymunedau lleol yn y Wcráin yn archwilio’r cysylltiadau yma cyn ymosodiad llawn Rwsia ym mis Chwefror 2022. Mae’r ffilm hefyd yn cyfeirio hanes mudo llafur Cymru i Hughesovka (Donetsk heddiw) ar ddiwedd y bedwaredd ganrif ar bymtheg. Bydd cyfarwyddwr y ffilm Kornyi Gricyuk a’r cynhyrchydd Olena Kirichek yn ymuno â ni am drafodaeth a sesiwn holi-ac-ateb ar ôl y ffilm.

Ymunwch â ni am ran, neu’r holl ddigwyddiad cyffrous yma!